പേരൂര്ക്കട: ബസ് യാത്രികന്റെ മൊബൈല് ഫോണും എടിഎമ്മും കവര്ന്നയാളെ തമ്പാനൂര് എസ്ഐ വി. സുനില്, എ.എസ്.ഐ ജിത്തുകുമാര്, ഗ്രേഡ് എസ്.ഐ ആല്ഫിന് ജോസ്, ഡ്രൈവര് രജിത്കുമാര് എന്നിവര് ചേര്ന്ന് ഓടിച്ചിട്ടു പിടികൂടി. കോട്ടയം മീനച്ചല് കുറവിലങ്ങാട് സ്വദേശി ജയന് എന്നുവിളിക്കുന്ന ജയ്മോന് (51) ആണ് പിടിയിലായത്. ഏഴിന് വൈകുന്നേരം 6.30നു തമ്പാനൂരിലാണ് സംഭവം.
ബസ് കയറുകയായിരുന്ന മുട്ടത്തറ കമലേശ്വരം പൂവക്കാട് തോപ്പുവീട്ടില് സതീശന്റെ സാംസംഗ് ഫോണും ഒരു എടിഎമ്മുമാണ് പ്രതി കവര്ന്നത്. പൊലീസ് അന്വേഷണം നടത്തുന്നതിനിടെ തമ്പാനൂര് പരിസരത്തുനിന്ന് ഇയാളെ ഓടിച്ചിട്ടു പിടികൂടുകയായിരുന്നു.
പ്രതി ഇതേദിവസം മൂന്നു കവര്ച്ചകള് നടത്തിയിരുന്നു. സെക്രട്ടേറിയറ്റിലെ ഒരുദ്യോഗസ്ഥന്റെ മൊബൈല് ഫോണും നഗരത്തിലെ ഒരു പൊലീസ് സ്റ്റേഷനിലെ സിപിഒയുടെ പിതാവിന്റെ മൊബൈല് ഫോണും ഇതുകൂടാതെ ബസ് കാത്തുനില്ക്കുകയായിരുന്ന ഒരാളുടെ പഴ്സും കവര്ന്നു. അറസ്റ്റിലായ പ്രതിയെ കോടതിയില് ഹാജരാക്കി റിമാന്ഡ് ചെയ്തു.
Deepika
E-paper LOGIN
LOGIN
